Mamlaka ya Viwanja vya Ndege Tanzania

"Your Gateway to Global Horizons"

ISO Imethibitishwa 9001:2015; 14001:2015 & 45001:2018

Kuhusu TAA

Historia Dira, Dhima na Majukumu Wajumbe wa Bodi Menejimenti Muundo wa Taasisi Mkataba wa Huduma kwa Mteja Kurudisha kwa Jamii Mpango wa Mazingira Ajira

Katika sehemu hii, utajifunza historia ya TAA, Dhima, Dira na mengi kuhusu Mamlaka.
Viwanja vya Ndege

Viwanja vya Ndege vya ndani Kiwanja cha Ndege cha Kimataifa

Ukurasa huu utakupa maelezo zaidi kuhusu viwanja vya ndege vinavyomilikiwa na kusimamiwa na Mamlaka.
Biashara

Takwimu Uendelezaji wa viwanja Washirika Kibiashara

Ukurasa huu unatoa fursa kubwa za uwekezaji katika sekta ya usafiri wa anga na pia takwimu mbalimbali za viwanja vyetu vya ndege.
Kituo cha Habari

Habari Maktaba ya picha Maktaba ya Video Machapisho Hotuba Taarifa kwa Umma

Karibu katika ukurasa huu kujionea machapisho mbalimbali yatakayokupa uelewa mpana wa TAA, pia ukurasa huu utakuwezesha kusoma na kupakua makala mbalimbali na kutazama matukio mengi zaidi ya picha na video.
Paa

Taarifa za Ndege Msaada

Karibu kwenye ukurasa unaotoa maelezo ya safari za ndege za moja kwa moja na usaidizi kwa viwanja vyetu vya ndege.
Tangazo
Wasiliana Nasi

Historia

Mamlaka ya Viwanja vya Ndege Tanzania (TAA) ilianzishwa tarehe 11 Oktoba, 2024 chini ya Sheria ya Viwanja vya Ndege Tanzania, Na. 08 ya Mwaka 2024. kwa lengo la kuanzisha, kusimamia, kuendesha na kuendeleza viwanja vya ndege vya Serikali Tanzania Bara. Taasisi hii inayo majukumu kadhaa yakiwemo: -

Kupanga, kuandaa na kutekeleza mipango kwa ajili ya ujenzi, uendelezaji, uendeshaji, Usimamizi na utunzaji wa miundombinu, majengo na vifaa vya viwanja vya ndege vya Serikali;
Kutoa ushauri wa kitaalamu kwa Serikali na umma kuhusu masuala ya kitaifa na kimataifa kuhusu uanzishwaji, uendelezaji, usimamizi, uendeshaji na utunzaji wa viwanja vya ndege;
Kutoa vifaa muhimu vya viwanja vya ndege, huduma za ulinzi na usalama na huduma nyingine zinazohusiana na hizo kwa ajili ya kuwezesha ndege, abiria, mizigo na vifurushi kwa viwanja vya ndege vya Serikali;
Kusimamia shughuli za kila siku za viwanja vya ndege vya Serikali kwa kuzingatia kanuni na viwango vya kitaifa na kimataifa;
Kuhakikisha huduma za zimamoto na uokoaji zinatolewa katika viwanja vya ndege vya Serikali; na
kuvitangaza viwanja vya ndege vya Serikali, kuvutia mashirika ya ndege na kuibua fursa za kibiashara.

Historia ya usimamizi, uendeshaji na uendelezaji wa Viwanja vya Ndege Tanzania Bara inaanzia baada ya uhuru wa Tanganyika hadi miaka ya 1998, ambapo masuala haya yalikuwa yakiratibiwa na Kitengo cha Viwanja vya Ndege kilichokuwa chini ya Wizara zilizokuwa zinahusika na masuala ya Usafirishaji.

Kufuatia mageuzi ya kiuchumi na kimifumo nchini yaliyolenga kuziwezesha Idara na Kurugenzi za Serikali kutekeleza majukumu yao kwa haraka na kuongeza ufanisi, Idara ya Viwanja vya Ndege ilifutwa na kuanzisha Wakala wa Viwanja vya Ndege Tanzania ambayo iliitwa Mamlaka ya Viwanja vya Ndege Tanzania (Tanzania Airports Authority - TAA).

Wakala wa Viwanja vya Ndege Tanzania ulianzishwa tarehe 29 Novemba 1999 kwa Tangazo la Serikali Na. 404 la mwaka 1999. Wakala huo ulipewa jukumu la kutekeleza yaliyokuwa majukumu ya Idara ya Viwanja vya Ndege chini ya Sheria ya Viwanja vya Ndege (Utoaji wa Leseni na Udhibiti) Sura ya 92. Aidha, Tangazo hilo lilielekeza TAA kutekeleza majukumu yake kwa kuzingatia Sheria zinazohusu leseni na udhibiti wa Viwanja vya Ndege; Tozo za huduma za Viwanja vya Ndege; udhibiti wa usafiri wa anga; huduma za zimamoto na uokoaji pamoja na kanuni mbalimbali.

Katika kuendelea kuimarisha usimamizi wa viwanja vya ndege, mwezi Oktoba 2024 Serikali ilitunga rasmi Sheria ya Viwanja vya Ndege Tanzania Bara ambayo iliianzisha TAA na kuipa jukumu la kuanzisha, kuendeleza, kusimamia, kuendesha na kutunza viwanja vya ndege vya Serikali Tanzania Bara.