Mamlaka ya Viwanja vya Ndege Tanzania

"Your Gateway to Global Horizons"

ISO Imethibitishwa 9001:2015; 14001:2015 & 45001:2018

Kuhusu TAA

Historia Dira, Dhima na Majukumu Menejimenti Muundo wa Taasisi Mkataba wa Huduma kwa Mteja Kurudisha kwa Jamii Mpango wa Mazingira Ajira

Katika sehemu hii, utajifunza historia ya TAA, Dhima, Dira na mengi kuhusu Mamlaka.
Viwanja vya Ndege

Viwanja vya Ndege vya ndani Kiwanja cha Ndege cha Kimataifa

Ukurasa huu utakupa maelezo zaidi kuhusu viwanja vya ndege vinavyomilikiwa na kusimamiwa na Mamlaka.
Biashara

Takwimu Uendelezaji wa viwanja Washirika Kibiashara

Ukurasa huu unatoa fursa kubwa za uwekezaji katika sekta ya usafiri wa anga na pia takwimu mbalimbali za viwanja vyetu vya ndege.
Kituo cha Habari

Habari Maktaba ya picha Maktaba ya Video Machapisho Hotuba Taarifa kwa Umma

Karibu katika ukurasa huu kujionea machapisho mbalimbali yatakayokupa uelewa mpana wa TAA, pia ukurasa huu utakuwezesha kusoma na kupakua makala mbalimbali na kutazama matukio mengi zaidi ya picha na video.
Paa

Taarifa za Ndege Msaada

Karibu kwenye ukurasa unaotoa maelezo ya safari za ndege za moja kwa moja na usaidizi kwa viwanja vyetu vya ndege.
Tangazo
Wasiliana Nasi

Habari

KIBAHA SEKONDARI YAADHIMISHA MAHAFALI YA 58 KWA MAFANIKIO MAKUBWA

24th Apr, 2025

Shule ya Sekondari Kibaha imeadhimisha mahafali yake 58 ya Kidato cha Sita kwa mafanikio makubwa ya kitaaluma na kijamii. Hafla hiyo iliyofanyika katika viwanja vya shule, ilihudhuriwa na wageni mbalimbali, wazazi, walimu na wanafunzi. Mgeni rasmi katika hafla hiyo alikuwa Mkurugenzi Mkuu wa Mamlaka ya Viwanja vya Ndege Tanzania (TAA), Abdul Mombokaleo ambaye alitoa hotuba yenye hamasa kwa wahitimu na jamii nzima ya shule.

Katika hotuba yake, Mkurugenzi Mkuu aliwahimiza wahitimu kutumia elimu waliyoipata kama chombo cha mabadiliko chanya katika jamii na taifa kwa ujumla. Aliwataka kuipenda Tanzania, kuwa wajasiri kwa kupambana na maisha, kuwa wapatanishi kwa kuwa sauti ya utulivu, kuwa wakarimu, wenye shukrani na kutokuisahau shule yao ya kibaha. Pia alisisitiza umuhimu wa nidhamu, maadili mema, na kutumia teknolojia kwa manufaa ya maendeleo yao.

Katika hotuba yake, Mkuu wa shule, Mwalimu George Marriot Kazi, alitoa shukrani za dhati kwa Serikali ya Awamu ya Sita inayoongozwa na Rais Dkt. Samia Suluhu Hassan kwa kuendelea kuboresha elimu na miundombinu kwa ujenzi wa mabweni mawili, madarasa mawili, na matundu ya vyoo 10 kwa thamani ya zaidi ya Tsh milioni 300.

Pia alimpongeza mgeni rasmi kwa mchango wake mkubwa katika kuwezesha Uwekezaji kwenye TEHAMA, ambapo shule imepata madarasa janja, kompyuta, na intaneti ya bure kwa mwaka mzima

Mkuu wa shule alieleza mafanikio ya shule katika ufaulu wa kitaifa, michezo na nidhamu. Ambapo Kwa mwaka 2024, wanafunzi wote wa kidato cha nne walifaulu kwa daraja la kwanza, huku 98% ya watahiniwa wa Kidato cha Sita wakipata daraja la kwanza na waliobaki daraja la pili ikiwa ni Wastani wa ufaulu wa alama A kwa shule ikiwa ni kiwango cha juu zaidi kitaifa.

Shule ya Sekondari Kibaha, iliyo chini ya Shirika la Elimu Kibaha, imeendelea kuwa chimbuko la viongozi mbalimbali wa kitaifa, akiwemo Rais wa Awamu ya Nne wa Jamhuri ya Muungano wa Tanzania, Dkt. Jakaya Mrisho Kikwete, pamoja na viongozi wengine waandamizi serikalini na taasisi binafsi.

Mahafali hayo yaliambatana na burudani mbalimbali kutoka kwa wanafunzi, zikiwemo nyimbo,mashairi na maigizo yaliyobeba ujumbe wa kitaaluma na kijamii.