Mamlaka ya Viwanja vya Ndege Tanzania

"Your Gateway to Global Horizons"

ISO Imethibitishwa 9001:2015; 14001:2015 & 45001:2018

Kuhusu TAA

Historia Dira, Dhima na Majukumu Wajumbe wa Bodi Menejimenti Muundo wa Taasisi Mkataba wa Huduma kwa Mteja Kurudisha kwa Jamii Mpango wa Mazingira Ajira

Katika sehemu hii, utajifunza historia ya TAA, Dhima, Dira na mengi kuhusu Mamlaka.
Viwanja vya Ndege

Viwanja vya Ndege vya ndani Kiwanja cha Ndege cha Kimataifa

Ukurasa huu utakupa maelezo zaidi kuhusu viwanja vya ndege vinavyomilikiwa na kusimamiwa na Mamlaka.
Biashara

Takwimu Uendelezaji wa viwanja Washirika Kibiashara

Ukurasa huu unatoa fursa kubwa za uwekezaji katika sekta ya usafiri wa anga na pia takwimu mbalimbali za viwanja vyetu vya ndege.
Kituo cha Habari

Habari Maktaba ya picha Maktaba ya Video Machapisho Hotuba Taarifa kwa Umma

Karibu katika ukurasa huu kujionea machapisho mbalimbali yatakayokupa uelewa mpana wa TAA, pia ukurasa huu utakuwezesha kusoma na kupakua makala mbalimbali na kutazama matukio mengi zaidi ya picha na video.
Paa

Taarifa za Ndege Msaada

Karibu kwenye ukurasa unaotoa maelezo ya safari za ndege za moja kwa moja na usaidizi kwa viwanja vyetu vya ndege.
Tangazo
Wasiliana Nasi

Habari

Wadau wakutana kujadili utekelezaji wa Mradi wa Kiwanja cha Ndege cha Kimataifa Serengeti

20th Apr, 2026

Wadau wakutana kujadili utekelezaji wa Mradi wa Kiwanja cha Ndege cha Kimataifa Serengeti Wizara ya Uchukuzi na TAA imekutana na wadau wake wakiwemo PSSSF, na Uongozi wa Halmashauri ya Wilaya ya Serengeti pamoja na Kampuni ya Saba Engineering ambayo ni Mtaalamu elekezi anayefanya Upembuzi yakinifu na usanifu wa kina wa mradi wa Ujenzi wa Kiwanja cha Ndege cha Kimataifa cha Serengeti , ili kujadili maendeleo na hatua za utekelezaji wa mradi.
Kikao hicho kilichofanyika katika ofisi za Halmashauri ya Wilaya ya Serengeti ambacho kimewaleta pamoja wadau muhimu ili kujenga uelewa wa pamoja kuhusu muelekeo wa mradi huo mkubwa wa kimkakati unaotarajiwa kuimarisha sekta ya usafiri wa anga na utalii nchini.

Akizungumza katika kikao hicho, kwa niaba ya Katibu Mkuu Wizara ya Uchukuzi Mkurugenzi wa miundombinu Bw. Shomari Shomari amesema anatambua umuhimu wa mradi huo mkubwa na kama Wizara itahakikisha mradi huo unakwenda kwa wakati kama ulivyopangwa.
Kwa upande wa TAA Mkurugenzi Mkuu Bw. Abdul Mombokaleo amesisitiza kuwa mradi huo ni kichocheo muhimu cha ukuaji wa uchumi wa taifa, hususan katika kukuza utalii wa hifadhi ya Serengeti ambayo ni moja ya vivutio vikuu duniani, huku akifafanua kuwa utaongeza uwezo wa kupokea ndege za kimataifa za moja kwa moja na hivyo kurahisisha upatikanaji wa watalii na wawekezaji nchini, na ukiwa umezingatia upatikanaji wa huduma nyingine kama za mahoteli, maduka makubwa n.k tofauti na kuruka na kutua kwa ndege.

Kwa upande wake, Mkurugenzi Mkuu wa PSSSF Bw. Fortunatus Magambo ameeleza dhamira ya taasisi hiyo kushiriki kufadhili mradi huo kikamilifu katika uwekezaji wa miundombinu mikubwa yenye tija kwa taifa, huku akibainisha kuwa mradi huo una matarajio makubwa ya kiuchumi na kijamii kwa wananchi wa eneo la Serengeti na nchi kwa ujumla.
Nae Mkurugenzi wa Halmashauri ya Serengeti Dkt. Maulid Madeni amesema kwa ushirikiano wa viongozi na wananchi wa Wilaya ya Serengeti wapo tayari ili kuhakikisha mradi unatekelezwa kwa ufanisi, huku akisisitiza umuhimu wa kuzingatia masuala ya kijamii na mazingira ili kunufaisha wananchi wa maeneo husika.